ನಮಸ್ಕಾರ... ಬನ್ನಿ.. ಏನೋ ಆ ಕ್ಷಣದಲ್ಲಿ ತೋಚಿದ್ದು ಗೀಚಿ ಒಂದಷ್ಟು ಗುಡ್ಡೆ ಹಾಕಿದ್ದೇನೆ. ಒಳಗೆ ಬಂದುಬಿಟ್ಟಿದ್ದೀರಿ, ಇನ್ನೇನೂ ಮಾಡುವುದು ಮತ್ತೆ, ಬನ್ನಿ ಭಾವಗೊಂಚಲಲ್ಲಿ ನೇತಾಡೋಣ....!

Friday 27 July 2012

ರಾತ್ರಿ ರೋಷ...

ಹಗಲ ಸುಸ್ತಿಗೆ ರಾತ್ರಿ ಮೈಮುರಿಯಲು
ಉಸಿರುಗಟ್ಟಿ ಸತ್ತು ಬಿದ್ದ ಮನೆಗಳು
ಮೋಡ ಹೊದಿಕೆ ಹೊದ್ದು
ತೂಕಡಿಸಿದ ಕಳ್ಳ ಚಂದ್ರ ತೇರು
ಇನ್ನೂ ಸಾಯದ ಬೀದಿ ದೀಪ ಚೂರು!

ನಿದ್ರಾ ನಾಲಗೆ ರಸ್ತೆಯ ಮೇಲೆ
ಮುಂಜಾನೆ ಗಂಜಿ ಹಣ
ಕುಡಿದ ಪೋಲೀಸ್ ಮಗನ ಹೆಣ
ಬೊಜ್ಜು ಬೆಳಸಿಕೊಂಡವನ ಘಾಟಿ
ಲಿಫ್ ಸ್ಟಿಕ್ ಹೆಂಡತಿಗೊಬೇಸಿಟಿ

ನಿನ್ನೆ ತನ್ನ ಗಂಡ ಮಚ್ಚು ಬೀಸಾರನ್ನೋ
ಕೊಚ್ಚಿ ಮುಚ್ಚಿದ ಜಾಗದಲ್ಲಿ
ಅವನ ಹೆಂಡತಿ ಬರಿ ನೊಸಲಲ್ಲಿ
ಹುಡುಕಿದ್ದಾಳೆ ತನ್ನ ತಾಳಿ
ಕತ್ತಲು ನುಂಗದ ಸೀರೆಯೋ ಬಿಳಿ

ನನ್ನ ಮನೆ ಮುಂದಿನಿಳಿಜಾರಿನ
ಮಲ ಪೈಪಿನೊಳಗೆ ಸಿಕ್ಕಿಕೊಂಡ
ಮಂತ್ರಿವರ್ಯ ನಿರ್ವೀರ್ಯ
ಹೈಕೋರ್ಟ್ ಕಂಬ ದಿಂಬಗಳಿಗೆ
ಹಾಲಿ ಮಾಜಿ ಮೂಳೆಗಳು, ನೆಕ್ಕಿದ ಚೇಲಗಳು

ಕವಲು 'ಕಮಲ' ನೋಡಿ ನಕ್ಕ
'ಕೈ'ಗೆ ಗುಲಾಬಿ ಮುಳ್ಳು
ಕಿಡಿ ಬೆಂಕಿಹೊತ್ತಿಕೊಂಡ 'ತೆನೆ'
ಆದರೂ ಬಗ್ಗದ ಕುಗ್ಗದ ಡೊಗ್ಗು
ಶ್ವಾನ ಷಂಡ ಭಂಡ ಪುಂಡ ದಂಡರು

ಜಗ ದೂರದರ್ಶನದ ಗಿಂಡಿಯಲ್ಲಿ
ಯಾವುದಾವುದೋ ಮನೆಯ
ವಾಸನೆ ಬಡಿದ ಹಾಸಿಗೆಗಳು
ಯಾವುದೋ ಬೀದಿಯ
ಕಾಮ ಗಲ್ಲಿಗಳು
ಕಾಲ್ದಾರಿಗೆಟುಕದ ಜಾಗಗಳು
ನಾರಿ ಗಬ್ಬಿಟ್ಟ ಕಕ್ಕಸ್ಸು
ಮನೆಗಳು
ಮೂಗು ಮುಚ್ಚಿಕೊಂಡು
ಕಾಲೆತ್ತಿಕೊಂಡ ಜೋಡಿಗಳು
ಕೆಂಡಕ್ಕೆ ಮುತ್ತಿಟ್ಟಿರುವೆಗಳು

1 comment:

  1. ಹಲವು ನಾಗರೀಕತೆಯ ದುರ್ವಿಧಿಗಳನ್ನು ಒಟ್ಟಾಗಿ ಕಟ್ಟಿಕೊಟ್ಟ ಕವನ.

    ReplyDelete