ನಮಸ್ಕಾರ... ಬನ್ನಿ.. ಏನೋ ಆ ಕ್ಷಣದಲ್ಲಿ ತೋಚಿದ್ದು ಗೀಚಿ ಒಂದಷ್ಟು ಗುಡ್ಡೆ ಹಾಕಿದ್ದೇನೆ. ಒಳಗೆ ಬಂದುಬಿಟ್ಟಿದ್ದೀರಿ, ಇನ್ನೇನೂ ಮಾಡುವುದು ಮತ್ತೆ, ಬನ್ನಿ ಭಾವಗೊಂಚಲಲ್ಲಿ ನೇತಾಡೋಣ....!

Sunday 6 May 2012

ಅವಳಿ ಜವಳಿ


ಹುಟ್ಟಿನೊಡನೆ
ಹುಟ್ಟುವುದು
ಸಾವು
ಆದ್ದರಿಂದ
ಒಂಟಿಯಲ್ಲ
ನಾವು ನೀವು!

ರಸ್ತೆಯಪಘಾತ
ಹೃದಯಲ್ಲದಾಘಾತ
ಮೂತ್ರದ ಕಲ್ಲು!
ಎಲ್ಲೆಂದರಲ್ಲಿ
ನಿಮ್ಮಲ್ಲಿ
ಎದೆಯಲ್ಲಿ ಬೆನ್ನಲ್ಲಿ
ಎಡವಿದ ಕಲ್ಲಿನಲ್ಲಿ
ಸೊಳ್ಳೆ ತಿಗಣೆ
ಬಸ್ ಲಾರಿ ಘೋರಿ
ನೀರು
ಗಾಜಿನ ಚೂರು
ಹೊಟ್ಟೆಯುಬ್ಬಸ
ಪಿತ್ತ ನೆತ್ತಿಯಲ್ಲಿ
ಅತ್ತಿತ್ತ ಸುಳಿದಾಡಿದರೂ
ಜೊತೆಯಲ್ಲಿ!

ಕೊನೆಗೊಂದು ದಿನ
ಆರಿಸಿ ಮನೆ ದೀಪ
ಕೈ ಕೈ ಹಿಡಿದು
ಇಬ್ಬರೂ
ಹೊರಡುವುದೇ ಸತ್ಯ
ನೆಪ ಮಾತ್ರಕ್ಕೆ
ಜೊತೆಯಾದ
ಕೆಲವು ಬೊಂಬೆಗಳಳು
ಇಬ್ಬರೂ ನೀಡಿದ ಬೆಳಕಿಗಷ್ಟೆ!
ಕಾಲ ತಳ್ಳಿದಂತೆ ಅದೂ ಮಿಥ್ಯ!

ಅವು ಒಂದೇ ತಳಿ
ಆತ್ಮೀಯ ಅವಳಿ ಜವಳಿ

1 comment:

  1. ಹದಕ್ಕಿಟ್ಟ ಕವಿತೆ... ನವೀನತೆ ಖುಷಿ ಆಯಿತು.

    ReplyDelete